Volume 4 1895 > Volume 4, No. 4 > Te parau a Honoura, collected by John Williams, p 256
                                                                                             Previous | Next   

- 256
Illustration
TE PARAU A HONOURA.1

UA to a'era i te pahi ia “Aere,” ua faatia a'era i te ie i nia i te pahi, e ua faauta a'era i tē vaamataeinaa i nia i te pahi. Tera te i'oa o tana na vaamataeinaa ra, o Aua-tāmariirii, e o Aua-taatametua.

Tei mua i te rei pahi ra te too o Tai-iti-te-araraa te aitu te tia noa raa, e ua faautahia te marae e te fatarau o Oro.

Ua faauta a'era i te tahuâ ia Arue-i-tē-Fatu-nui, o te rave atoa 'tu i te pu o Oro, “Oro-taua,” e te pahu ra, o Tara-te-fei-arii.

Tei nia a'era taua na vahine ra, o Uru-ma-rai-tapu e o Uru-ma-rai-hau; e tae atura i nia i te pahi ra, ua to atura i raro i te tai.

Farara a'era te mata'i e toerau, huri a'era i te hoe faatere. Noho a'era taua na vahine ra i te pae tautara, tere mai nei i te uru fenua o Tahaa. Paimi ihora i reira i ta raua tane, ia Raa-mau-riri, e aita i itea.

Tia a'era te ie, mau a'era te hoe, noho a'era na vahine i te pae tautara, haere atura i te uru fenua i Raiatea, e tapae atura i te tahua i Fare-ohe. Ua paimi ihora i ta raua tane, ia Raa-mau-riri, e aita i itea.

Te tia ra te ie, mau a'era te hoe, noho atura raua i te pae tautara. Haere atura i te uru fenua i Huahine, imi ihora i ta raua tane, ia Raa-mau-riri, e aore a'era i itea.

Te tia ra te ie, te mau ra te hoe, te noho ra raua i te pae tautara; haere atura i te uru fenua i Moorea, paimi ra i ta raua tane, ia Raa-mau-riri, e aore a'era i itea.

1  This interesting legend from Tahiti, or rather from Raiatea, was collected from the natives by the Rev. John Williams, the author of “Missionary Enterprise in the South Seas” (London, 1846), and who was murdered by the natives of Eromanga, New Hebrides, on the 19th November, 1839, whilst attempting to introduce the Gospel to those Islanders. He is generally known as “the martyr Williams.” The MS., with others, passed into the hands of Mr Williams's son, the Rev. Samuel Tamatoa Williams, Congregational minister in London, by whom it was given to our esteemed fellow-member, Dr. W. Wyatt Gill. Dr. Gill sent the MS. to the Rev. E. V. Cooper, now of Tutuila, Samoa, who induced our fellow-member, Miss Teuira Henry, of Honolulu, to make a translation of it for the Society. To Miss Henry—the first of Tahitian scholars—we are indebted for the difficult work of translating a document, much of which is, we believe, couched in language now obsolete and lost to the Tahitians themselves. Thanks to the care with which the Rev. E. V. Cooper has copied the document, we trust that few, if any errors have crept into the original Tahitian. The paper is valuable as having been written down at a time when the knowledge of their ancient lore yet remained with the Tahitians.—Editors.